काठमाडौँ–नेकपा एमालेका नेता विष्णु रिजालले राष्ट्रिय स्वतन्त्र पार्टीका सभापति रवि लामिछानेलाई गल्ती भएपछि साइबर सेनाको सहायताले नभई कानुन अनुसार सल्टाएर मुक्ति पाइने सुझाव दिनुभएको छ ।
पछिल्लो समयमा सभापति रवि लामिछाने सहकारीमा जोडिएको विषय बाहिरिएको थियो । त्यसको रास्वपाका नेताहरुले प्रतिवाद गर्दै आएका छन् । आज सामाजिक सञ्जालमा लेख्दै नेता रिजालले सभापति लामिछानेलाई गल्ती नभए साइबर सेनाको सहायताले नभई कानुन अनुसार मुक्ति पाइने बताउनुभएको हो ।
उहाँले लेख्नुभएको छ,’रविजीले सबै नेता अयोग्य हुन्, लुटेरा हुन्, अपारदर्शी छन्, पुराना दल र नेताले सक्दैनन्, त्यसकारण म योग्य छु, म नयाँ छु, मैले मात्र गर्न सक्छु भन्ने भाष्य खडा गरेर ‘नफरत’को राजनीति गर्नुभएको छ । त्यसको एउटा झलक पोखरामा आफैँ भोगिसक्नुभयो । नागरिकता, व्यक्तिगत जीवनका अरु कुरा छाडिदिऔँ, सहकारीका सन्दर्भमा आएका विषयहरु जति ठूलो स्वरले चिच्याए पनि, मिडियालाई गाली गरे पनि लुकाउन सकिँदैन ।’
प्रतिक्रिया