चितवन-नेकपा एमालेका अध्यक्ष केपी शर्मा ओलीले मध्यपहाडी क्षेत्रका जनतालाई वर्तमान गठबन्धन सरकारले समृद्धि र सुशासन दिन नसकेको बताउनु भएको छ।
चितवन निर्वाचन क्षेत्र नम्बर २ मा रहेको भीमोदय माध्यमिक विद्यालयको स्वर्णमहोत्सवको उद्घाटन कार्यक्रममा सहभागी हुन चितवन आइपुग्नु भएका अध्यक्ष ओलीले भरतपुर विमानस्थलमा पत्रकारहरुसँग छोटो कुरा गर्दै मध्यपहाडी क्षेत्रका जनताले समृद्धि र सुशासन माग गरेका बताउनु भयो ।
अध्यक्ष ओलीले ‘मध्यपहाडका जनताले सुशासन चाहियो, समृद्धि चाहियो भनेका छन् । अहिलेको गठबन्धन सरकारले सुशासन र समृद्धि दिन सकेन।’
अहिलेको सरकारको विकल्प जनताले खोजेका हुन् त ? भनेर पत्रकारले गरेका प्रश्नमा उहाँले भन्नुभयो, ‘तपाईंहरू नै भन्नुस् अहिलेको सरकारको विकल्प जनताले चाहेका हुन् ?’
प्रतिक्रिया