काठमाडौँ– नेकपा एमालेका अध्यक्ष केपी शर्मा ओलीले अन्तर्राष्ट्रिय महिला दिवसको शुभकामना व्यक्त गर्नुभएको छ । आज सामाजिक सञ्जालमा एसिड पीडितको फोटो शेयर गर्दै अध्यक्ष ओलीले ११४ औँ अन्तर्राष्ट्रिय महिला दिवसको शुभकामना दिनुभएको हो । 

उहाँले लेख्नुभएको छ, ‘आमा हुन्, पोषक हुन्, भरोसा र ममता हुन् । त्यसैले नारी हुन् । अन्तर्राष्ट्रिय महिला दिवसको सबैलाई शुभकामना !’

आज ११४ औँ अन्तर्राष्ट्रिय महिला दिवस विविध कार्यक्रम आयोजना गरेर मनाइँदै छ ।  विश्व महिला आन्दोलनको आधुनिक अभियान सन् १९१० मार्च ८ तारिखबाट सुरु भएसँगै  हरेक वर्ष श्रमिक महिलाका अधिकार स्थापित गर्ने उद्देश्यसहित अन्तर्राष्ट्रिय महिला दिवस मनाइँदै आइएको छ ।