काठमाडौँ– सत्ता गठबन्धनको प्रमुख घटक नेकपा एमालेले सत्ता समीकरणमा आएको परिवर्तनलाई सकारात्मक रूपमा ग्रहण गरेको छ ।
पार्टी मुख्यालय च्यासलमा बसेको सचिवालय बैठकले मुलुकको संकटको अवस्थाबाट पार लाउने जनतालाई आशा र विश्वास, मुलुकको स्थायित्व र विकासमा टेवा पुर्याउन एमालेले सकारात्मक भूमिका गर्नुपर्ने निष्कर्ष निकालेको हो ।
यस्तै बैठकले नयाँ गठबन्धनमा साथ समर्थनका लागि अन्य राजनीतिक दललाई पनि अनुरोध गरेको महासचिव शंकर पोखरेलले जानकारी दिनुभयो ।
देशमा उत्पन्न निराशालाई चिर्न देशभित्रै केही हुनसक्छ भन्ने सकारात्मक सन्देश दिने प्रयाससहित अघि बढ्ने एमालेले बताएको छ ।
प्रतिक्रिया