काठमाडौं- नेकपा माओवादी केन्द्रका सांसद नारायण दाहालले राष्ट्रिय सभा अध्यक्ष पदमा उम्मेदवारी दर्ता गर्नु भएको छ ।
संघीय संसद नयाँ बानेश्वरमा आज दाहालले उम्मेदवारी दर्ता गर्नु भएको हो ।
दाहालको प्रस्तावक माओवादीका सांसद गोपीबहादुर सार्की छन्।
समर्थकमा नेकपा एमालेका सांसद देवेन्द्र दाहाल, नेकपा एकीकृत समाजवादीका सांसद बेदुराम भुसाल र जसपा सांसद मोहम्मद खालिद छन्।
मंगलबार राष्ट्रिय सभा अध्यक्ष पदका लागि चुनाव हुनेछ। राष्ट्रिय सभामा १८ सांसदसहित माओवादी सबैभन्दा ठूलो पार्टी छ। एमालेका १०, एकीकृत समाजवादीका ८ र जसपाका ३ जना सांसद छन्।
प्रतिक्रिया