काठमाडौँ– नेकपा एमालेका अध्यक्ष केपी शर्मा ओलीले  इस्लाम धर्मावलम्बीको महान् पर्व रमजान मुबारक  महिनाको शुभकामना व्यक्त गर्नु भएको छ । आजदेखि सुरु भएको इस्लाम धर्मावलम्बीको महान् पर्व रमजानको अध्यक्ष ओलीले सामाजिक सञ्जालमार्फत शुभकामना दिनुभएको हो । 

उहाँले लेख्नुभएको छ,’इस्लाम धर्मावलम्बीको पवित्र पर्व रमजान आजदेखि सुरु भएको छ । रमजान अवधिभर एक महिनासम्म मुस्लिम समुदाय दिनभर निराहार बस्छन् । सबैलाई रमजानको शुभकामना !!’

इस्लाम धर्मावलम्बीको महान् पर्व रमजान मुबारक महिना आजदेखि सुरु हुने भएको छ । एक महिनासम्म चल्ने यस पर्वमा मुसलमानहरु दिनभर निराहार बस्छन् । 

सूर्योदय हुनुअघि अर्थात् बिहानको नमाज पढ्नुअघि केही खानेकुरा खाई प्रारम्भ हुने रोजा बेलुकाको नमाज (मगरिब)को आजान सुनेर खोल्ने चलन छ । निराहार बस्नुलाई रोजा भनिन्छ । रोजाको समय दैनिक सूर्य उदाउने र अस्ताउने तालिका पनि परिवर्तन भइरहन्छ ।