काठमाडौँ– सत्ता साझेदार तीन दल नेकपा माओवादी केन्द्र, नेकपा एमाले र नेकपा एकीकृत समाजवादीका शीर्ष नेताबिच भेटवार्ता भएको छ ।
आज बिहान संसद भवन नयाँ बानेश्वर माओवादी केन्द्रका अध्यक्ष समेत रहेका प्रधानमन्त्री पुष्पकमल दाहाल प्रचण्ड, एमालेका अध्यक्ष केपी शर्मा ओली र एकीकृत समाजवादीका अध्यक्ष माधव नेपालबिच भेटवार्ता भएको हो ।
उहाँहरुबिच समसामयिक राजनीतिक विषयमा छलफल भएको प्रधानमन्त्रीको सचिवालयले जनाएको छ । भेटमा राष्ट्रियसभा अध्यक्ष, प्रधानमन्त्री प्रचण्डको विश्वासको मत लगायतको विषयमा छलफल भएको हो ।
हिजो बसेको एकीकृत समाजवादीको संसदीय दलको बैठकले आफ्ना मागबारे प्रधानमन्त्रीले लिखित सहमति नगरे राष्ट्रियसभाको अध्यक्षमा र सरकारलाई विश्वासको मत नदिने चेतावनी दिएको थियो ।
एकीकृत समाजवादीका मागका बारेमा छलफल गर्न सत्ता साझेदार तीन दलका शीर्ष नेताबिच भेटवार्ता भएको हो ।
आज राष्ट्रियसभा अध्यक्षको निर्वाचन हुँदैछ भने प्रधानमन्त्रीले भोलि विश्वासको मत लिनुहुनेछ ।
प्रतिक्रिया