काठमाडौं-नेकपा एमालेले संविधान सभा अध्यक्ष स्वर्गीय सुवास नेम्वाङका पुत्र अधिवक्ता सुहाङ नेम्वाङलाई केन्द्रीय कानून विभागको सदस्यमा मनोनीत गरेको छ।
एमाले महासचिव शंकर पोखरेलले सुहाङलाई गत फागुन ३ गते बसेको केन्द्रीय सचिवालयको बैठकले कानुन विभाग सदस्य मनोनीत गरेको बताउनु भयो । महासचिव पोखरेलले नेम्वाङलाई कानून विभागमा मनोनीत गरेको पत्र दिनुभएको छ।
सुहाङ नेकपा एमालेका उपाध्यक्ष स्वर्गीय सुवासचन्द्र नेम्वाङका कान्छा छोरा हुन्। उहाँ कानुन व्यवसायी हुन्।
सुवासचन्द्रको निधनसँगै इलाम २ मा आगामी वैशाख १५ गते उपनिर्वाचन हुँदैछ। उक्त निर्वाचनका लागि सुहाङ एमालेबाट उम्मेदवारका रुपमा बलिया दाबेदार हुन्।
प्रतिक्रिया