काठमाडौँ– नेपाल कम्युनिस्ट पार्टी (एमाले) डडेल्धुराको जिल्ला अधिवेशन आजदेखि हुने भएको छ । एमाले डडेल्धुराको नवौँ जिल्ला अधिवेशन आज र भोलि गरी दुई दिन हुने भएको हो । 

एमाले डडेल्धुराका नेता बीपीन जोशीका अनुसार अधिवेशनको आज पार्टी अध्यक्ष केपी शर्मा ओलीले उद्घाटन गर्नुहुने छ । अधिवेशनको उद्घाटन गर्न अध्यक्ष ओली हिजो धनगढी जानुभएको थियो । धनगढी विमानस्थलमा अध्यक्ष ओलीको एमाले नेता तथा  कार्यकर्ताहरुले स्वागत गर्नुभएको थियो ।  

अधिवेशनले आगामी कार्यकालका लागि नयाँ नेतृत्व चयन गर्नेछ । अध्यक्षमा दुई जनाले आकांक्षा राखेको नेता जोशीले बताउनुभयो । उहाँका अनुसार नयाँ नेतृत्व सर्वसहमति रूपमा चयन गरिनेछ । सर्वसहमति हुने नसके निर्वाचन हुने उहाँले बताउनुभयो ।