काठमाडौँ– नेकपा एमाले कञ्चनपुरको जिल्ला अधिवेशनमा विवाद भएको छ । नवौँ जिल्ला अधिवेशनमा प्रतिनिधीहरुको भावना विपरीत पदाधिकारी घोषणाको तयारी गरिएपछि विवाद भएको हो ।
निर्वाचन समितिले आज पदाधिकारीमा सर्वसम्मत घोषणा गर्ने तयारी गरेको थियो । तर सचिवमा उम्मेदवारी दिएका कर्णबहादुर चन्दले जिल्ला पार्टी कार्यालयको निर्वाचन कार्यालयमा तालाबन्दी गरेको बताउनुभयो ।
उहाँले २४ जना बसेर प्रतिनिधिको भावनाविपरीत पदाधिकारी घोषणा गर्ने तयारी गरेपछि तालाबन्दी गरिएको बताउनुभयो ।
एमाले अध्यक्ष केपी शर्मा ओलीले बिहीबार कञ्चनपुरको नवौँ जिल्ला अधिवेशनको उद्घाटन गर्नुभएको थियो ।
प्रतिक्रिया