काठमाडौँ– नेकपा (एमाले) लुम्बिनी प्रदेशले पार्टी सदस्यहरूको आधारभूत तहको परीक्षा लिएको छ । हिजो संगठन कमिटीले एकै दिन प्रदेशका सबै जिल्लाका सदस्यहरूको परीक्षा लिएको हो ।
कार्यकर्ताहरू वैचारिक रूपले स्पष्ट हुन, अध्ययनप्रति रुचि जागोस्, पार्टीले लिने वैचारिक प्रशिक्षणप्रति उत्साही हुन सकुन् भन्ने उद्देश्यले परीक्षा लिइएको प्रदेश कमिटी अध्यक्ष अध्यक्ष राधाकृष्ण कँडेलले बताउनुभयो । प्रदेश कमिटीको स्कुल विभागले एकै दिन एकै समयमा १२ वटै जिल्लामा लिएको परीक्षा लिएकाले प्रभावकारी भएको अध्यक्ष कँडेलले विश्वास व्यक्त गर्नुभयो । पहिलो पटक सदस्यहरूलाई क्रियाशील बनाउन यस खालको प्रक्रिया थालिएको र सबै क्षेत्रमा उत्साहपूर्वक सहभागिता भएको उहाँले बताउनुभयो ।
प्रचार विभाग प्रमुख डीआर घिमिरेले यो परीक्षा पूर्व तयारीस्वरुप भएको भन्दै यस अनुभवका आधारमा आगामी दिनमा व्यवस्थित हुँदै जाने बताउनुभयो । ‘यसको मूल भावना कार्यकर्तामा वैचारिक जिज्ञासा बढाउने हो, जुन हुन सकेको छ’, उहाँले भन्नुभयो ।
परीक्षाले आगामी दिनमा स्कुल विभागले सञ्चालन गर्ने प्रशिक्षणमा कुन तहको प्रशिक्षण दिनुपर्ने भनी सन्देश दिन सकेको प्रदेश कमिटीका उपाध्यक्ष एवं स्कुल विभाग प्रमुख भोजप्रसाद श्रेष्ठले बताउनुभयो ।
प्रतिक्रिया