झापा- प्रधानमन्त्री केपी शर्मा ओलीले बिर्तामोड नगरपालिका-५ मा नवनिर्मित पूर्वाञ्चल क्यान्सर अस्पतालको आज उद्घाटन गर्नुभएको छ । उहाँले अस्पताल परिसरमा रहेको शिलालेख अनावरण गरी अस्पताल उद्घाटन गर्नाका साथै कक्षहरू अवलोकन पनि गर्नुभयो ।

बिर्तामोड निवासी दुर्गा प्रसाईँका ६ अर्ब रुपैयाँ निजी लगानीमा अस्पताल निर्माण भएको हो जसमा तीन सय शय्या छन् । करिब एक वर्षअघि नै सेवा शुरु गरेको अस्पतालको आज विधिवत् उद्घाटन भएको हो ।

एक वर्षका अवधिमा करीब दुई हजार सात सय बिरामीले अस्पतालबाट सेवा लिएका छन् जसमध्ये करीब एक हजार तीन सय झापाकै बासिन्दा रहेको बताइएको छ ।