डडेल्धुरा- डडेल्धुरामा जिप दुर्घटना हुँदा पाँच जना घाइते भएका छन् । घाइतेमध्ये चार जनाको अवस्था गम्भीर रहेको प्रहरीले जनाएको छ ।
डडेल्धुरा सदरमुकामदेखि अजयमेरु जाँदै गरेको सु.प.प्र ०१-००१ ज ११६५ नम्बरको जिप शुक्रबार बेलुकी अजयमेरु गाउँपालिका-३ बुल्कुडामा दुर्घटना भएको हो । प्रहरीका अनुसार जिप अनियन्त्रित भई दुर्घटनामा परेको हो।
दुर्घटनामा गम्भीर घाइते भएकाहरूलाई थप उपचारको लागि धनगढी र नेपालगञ्ज रेफर गरिएको छ ।
टाउकोमा चोट लागेर घाइते भएका अजयमेरु–३ का ३५ वर्षीय राजेन्द्र पाण्डे, ३० वर्षीया सीता पाण्डे, २२ वर्षीया जयन्ती पाण्डे र ५२ वर्षीय बलबहादुर पाण्डेलाई धनगढीस्थित माया मेट्रो अस्पताल रेफर गरिएको जिल्ला प्रहरी कार्यालय डडेल्धुराका प्रहरी निरीक्षक राजेन्द्रबहादुर चन्दले जानकारी दिनुभयो ।
प्रतिक्रिया