काठमाडौं– प्रधानमन्त्री एवं नेकपा एमालेका अध्यक्ष केपी शर्मा ओलीले आज प्रस्तावित नयाँ कार्यालय भवनको निरीक्षण गर्नुहुने भएको छ ।

एमाले केन्द्रीय कार्यलयका सचिव ईश्वरी रिजालका अनुसार दिउँसो प्रधानमन्त्री ओलीले भवनको अवस्था, कोठाहरुको अवस्था आदिको बारेमा जानकारी लिनुहुनेछ । ‘प्रधानमन्त्रीले निरीक्षण गरेपछि घरवालासँग सम्भवत आजै पार्टी कार्यलयका लागि सम्झौता हुन्छ,’ एमाले स्रोतले जानकारी दिएको छ ।

२०७२ सालदेखि धुम्बाराहीमा रहेको पासाङ ल्याहामु भवनमा सञ्चालन भएको कार्यालय केही दिन भित्रै माइतीघर हाइटस्थित एक घरमा स्थानान्तरण हुँदैछ । भवनमा १८ वटा कोठा छन् ।

सोही घरमा नेपाली यूवा वैज्ञानिकहरुले आयोजना गरेको एउटा कार्यक्रममा पनि प्रधानमन्त्री ओली सहभागी हुने कार्यक्रम छ ।