काठमाडौं– नेकपा एमालेको संसदीय दलको बैठकमा सहभागी हुने माधव नेपाललाई दबाब परेको छ । उहाँ पक्षका सांसदहरुले दलको बैठकमा पटक पटक अनुपस्थित हुनु उपयुक्त नहुने भन्दै सहभागी हुन दबाब दिइरहेको छन् ।

सांसद सोमप्रसाद पाण्डेका अनुसार आजको बैठकमा सहभागी हुनुपर्छ भन्ने सांसदहरुको संख्या अत्यधिक छ । ‘संसदीय दलको बैठकमा सहभागी होऔं । आफ्ना कुरा त्यही राखौं भनेका छौं,’ पाण्डेले नेपाली बहस डटसँग कुरा गर्दै भन्नुभयो ‘यस विषयमा परामर्श गर्न माधव कमरेडले कालीमाटी बोलाउनु भएको छ । हामी भेला हुदैछौं ।’