काठमाडौं– प्रधानमन्त्री केपी शर्मा ओलीले एमालेका सांसदका रुपमा आफूले सबै कुरा सुन्ने तर गुटगत रुपमा कसैसँग छलफल नगर्ने बताउनुभएको छ ।
एमालेको संसदीय दलको बैठकलाई शुक्रबार सम्बोधन गर्दै प्रधानमन्त्री ओलीले सो कुरा बताउनुभएको हो । ‘तपाईंहरु सबैका समस्या, गुनासा सुन्न म तयार छु तर म गुटसँग डिल गर्दिनँ,’ माधव पक्षका समेत सांसदहरु उपस्थित भएको बैठकमा प्रधनमन्त्री ओलीले भन्नुभयो, ‘पार्टीलाई एकताबद्ध बनाएर लैजाने तह अनुसार सबैको जिम्मेवारी हो । तर पार्टी अनुशासनलाई उल्लंघनलाई एमालेमा स्थान छैन ।’
प्रधानमन्त्री ओलीले फागुन २३ पछाडि पार्टी र संसदीय दलले गरेका कुनै पनि निर्णय फिर्ता नुहने स्पष्ट पार्नुभएको छ । ‘पार्टीले गरेको निर्णय फिर्ता हुदैनन् । ती सबै लागू हुन्छन् । संसदीय दलको विधान आवश्यकता अनुसार परिर्माजन हुन्छ । तपाईंहरुले यसमा खुलेर सुझाव दिनसक्नुहुन्छ,’ प्रधानमन्त्रीको भनाइ थियो ।
प्रतिक्रिया