काठमाडौं– खेलाडीको मनोबल बढाउन प्रधानमन्त्री केपी शर्मा ओली आज दशरथ रंगशाला जाने हुनुभएको छ ।

रंगशालमा जारी थ्री नेसन्स कपको नेपाल र बंगालादेशको आजको फाइनल खेल हेर्न प्रधानमन्त्री ओली रंगशाला आउने खेलकुद परिषदका सदस्य सचिव रमेश सिलवालले जानकारी दिनुभयो । सिलवालका अनुसार प्रधानमन्त्री अपरान्ह पाँच बजे रंगशाला पुग्नुहुनेछ ।

प्रधानमन्त्रीको सचिवालयका अनुसार परिषदले खेलाडीको मनोबल बढाउन र पुरस्कार वितरणका लागि प्रधानमन्त्रीलाई आमन्त्रण गरेको हो । प्रधानमन्त्रीले करिब अढाइ घण्टा रंगशालामा बिताउने कार्यक्रम रहेको सचिवालयले जनाएको छ ।