काठमाडौं- दशरथ रंगशालामा भएको थ्री नेसन्स कपको उपाधि घरेलु टोली नेपालले जितेको छ । फाइनलमा आज बंगलादेशलाई २-१ ले हराउँदै नेपालले उपाधि जितेको हो ।

नेपाललाई जित दिलाउन सञ्जोग राई र विशाल राईले गोल गर्नुभयाे । सञ्जोगले खेलको १८ मिनेटमै गोल गर्दै नेपाललाई अग्रता दिलाउनुभयाे ।

उहाँले सुनिल वलको कर्नरमा गोल गर्नु भएकाे हाे । यो उहाँको पहिलो अन्तर्राष्ट्रिय गोल हो । सञ्जोगले शनिबार बंगलादेशविरुद्ध नै डेब्यू गर्नु भएकाे थियाे ।

त्यस्तै, विशाल राईले ४१औँ मिनेट नेपालका लागि दोस्रो गोल गर्नुभयाे ।

खेलको ८३ औँ मिनेटमा बंगलादेशले गोल फर्कायो । बंगलादेशका लागि मामुबुल रहमानले गोल गर्दै खेल २-१ को अवस्थामा फर्काउनुभयाे ।