काठमाडौं- प्रदेश १ का मुख्यमन्त्री शेरधन राईविरुद्ध अविश्वास प्रस्ताव दर्ता गराएका नेकपा एमाले माधवकुमार नेपाल समूहका सांसदले प्रस्ताव फिर्ता लिएका छन् ।
मुख्यमन्त्रीका दावेदारसमेत रहेका भीम आचार्यसहित १६ जना सांसदले मुख्यमन्त्री राईविरुद्धको अविश्वास प्रस्ताव फिर्ता लिएका हुन् ।
सर्वोच्च अदालतले नेकपा एमाले र माओवादी केन्द्र पूर्ववत अवस्थामा फर्किएको फैसला गरेपछि उनीहरूले मुख्यमन्त्री राईविरुद्धको अविश्वासको प्रस्तावमाथि समर्थन नरहने प्रदेशसभा सचिवालय जानकारी गराएका छन् ।
माधव नेपाल पक्षका १६ सांसदले अविश्वास प्रस्तावमाथिको समर्थन फिर्ता लिएसँगै शेरधन राईको सरकार सुरक्षित बनेको छ ।
मुख्यमन्त्री राईविरुद्ध पुस १२ गते अविश्वास प्रस्ताव दर्ता भएको थियो । प्रदेशसभामा एमालेको एकल बहुमत छ ।
अविश्वास प्रस्ताव फिर्ता लिएको पत्र :
प्रतिक्रिया