काठमाडौं- नेकपा एमालेले नेताहरू सुरेन्द्र पाण्डे र घनश्याम भुसाललाई पनि पार्टीको साधारण सदस्यबाट निलम्बन गरेको छ । उहाँहरूलाई पार्टीले ६ महिनाको लागि निलम्बन गरेको हो ।
प्रधानमन्त्री तथा पार्टी अध्यक्ष केपी शर्मा ओलीले सोधेको स्पष्टिकरणको जवाफ चित्त बुझ्दो नदिएपछि पाण्डे र भुसाललाई पनि पार्टीबाट निलम्बित गरिएको स्रोतले बताएको छ ।
केही दिनअघि मात्र नेताद्वय माधवकुमार नेपाल र भीम रावललाई पनि ६ महिनाका लागि पार्टीको साधारण सदस्यबाट निलम्बन गरिएको थियो ।
पार्टीले सोधेको स्पष्टिकरणको जवाफ चित्त बुझ्दो नदिएको, पार्टीको हितविपरित गतिविधि कायमै राखेको लगायत कारण देखाउँदै उहाँहरूलाई पार्टीबाट ६ महिनाका लागि निलम्बन गर्ने निर्णय गरिएकाे एमालेले जनाएकाे छ ।
प्रतिक्रिया