काठमाडौं– प्रधानमन्त्री केपी शर्मा ओलीले संसदको अंकगणितले देशको आवश्यकता पूरा नगर्न नसक्ने भन्दै ताजा जनादेशमा जानुपर्ने बताउनुभएको छ ।

बालुवाटारबाट रणनीतिक सडक शिलान्यास कार्यक्रमलाई शनिबार सम्बोधन गर्दै प्रधानमन्त्री ओलीले ढिलो चाँडो ताजा जनादेशमा जानुको विकल्प नरहेको बताउनुभयो । ‘गणितले देशको आवश्यकता पूरा गर्न सकेन भने ताजा जनादेशमा जानुपर्छ,’ उहाँको भनाइ थियो ।