काठमाडौं- प्रधानमन्त्री केपी शर्मा ओलीले २०७७ लाई सफलताको वर्षकोरुपमा चित्रित गर्नुभएको छ ।
पृथकतवाद र हिंसालाई मूलधारमा ल्याएको उल्लेख गर्दै प्रधानमन्त्री ओलीले राजनीतिकरूपमा २०७७ साल सफलताको वर्ष भएको बताउनुभयो । देशबासीका नाममा बुधबार बिहान सिंहदरबारबाट सम्बोधन गर्दै उहाँले विकासका लागि पनि गत साल सफल भएको बताउनुभयो ।
जीवनको सुरक्षालाई प्राथमिक महत्वमा राखेको बताउँदै उहाँले सरकारको सही नीतिकै कारण तुलनात्मकरुपमा कोरोना संक्रमणमा कम क्षति भएको दाबी गर्नुभयो ।
आर्थिकरूपमा भने प्रतिकूल असर परेको प्रधानमन्त्रीले बताउनुभयो ।
‘हामी ऋणात्मक अवस्थामा जानुपरेन, ’उहाँले भन्नुभयो, ‘कृषिका क्षेत्रमा राम्रो उपलब्धी हासिल गरेका छौं, व्यापार घाटा कम गर्ने दिशामा केही सफलता प्राप्त गरेका छौं ।’
प्रतिक्रिया