बुटवल- लुम्बिनी प्रदेशका मुख्यमन्त्री शंकर पोखरेलविरुद्ध अविश्वास प्रस्ताव दर्ता भएको छ ।
कांग्रेस, माओवादी केन्द्र र जनता समाजवादी पार्टीका सांसदले मुख्यमन्त्री पोखरेलविरुद्ध अविश्वास प्रस्ताव दर्ता गर्नुभएको हो । उहाँहरूले माओवादी केन्द्रका कुलप्रसाद केसीलाई मुख्यमन्त्रीमा प्रस्ताव गर्नु भइको छ ।
जनता समाजवादी पार्टीका संसदीय दलका नेता सहसराम यादवले ४१ जनाको हस्ताक्षरसहित अविश्वास प्रस्ताव दर्ता गरेको बताउनुभयो ।
अविश्वास प्रस्तावमा कांग्रेसका १९, माओवादी केन्द्रका १७ र जसपाका ५ जनाले हस्ताक्षर गरेका छन्।
लुम्बिनी प्रदेश सभा ८७ सदस्यीय हो । यहाँ नेकपा एमालेका ४१ सांसद हुनुहुन्छ ।
प्रतिक्रिया