काठमाडौं- काठमाडौं उपत्यकामा वैशाख १६ गतेदेखि निषेधाज्ञा लगाइने भएको छ ।
आज बसेको काठमाडौं, ललितपुर र भक्तपुरमा प्रमुख जिल्ला अधिकारीको संयुक्त बैठकले वैशाख १६ गतेदेखि निषेधाज्ञा जारी गर्ने निर्णय गरेको हो ।
पछिल्लो केही दिनयता देशभर दैनिक ३ हजारभन्दा बढी कोरोना संक्रमित भेटिरहेका छन् । जसमध्ये सबैभन्दा बढी काठमाठौं उपत्यकामा संक्रमित फेला परिरहेका छन् ।
आइतबार मात्रै देशभर ३ हजार १ सय २२ जनामा कोरोना पुष्टि हुँदा काठमाडौंमा १ हजार १ सय ३२ संक्रमित थपिएका थिए ।
निषेधाज्ञामा के खुल्दैनन् ?
-सार्वजनिक, निजी सवारीसाधन ।
-होटल/रेष्टुरेन्ट । तर, होम डेलिभरी गर्न पाउने ।
के खुल्छन् ?
-एम्बुलेन्स, शव वाहन, दमकल, कूनीतिक नियोग, प्रेसलगायतका गाडी ।
-खाद्यान्न, तरकारी, दूधलगायत दैनिक उपभोग्य वस्तुहरूका पसल ।
-सरकारी कार्यालय । स्वास्थ्यको मापदण्ड पालना गर्नुपर्ने ।
-बैंक तथा वित्तीय संस्था आधा जनशक्ति राखेर सञ्चालन गर्न पाइने ।
-हवाई सेवा ।
प्रतिक्रिया