काठमाडौं- अमेरिकी राजदूत र्यान्डी बेरीले कोरोना संक्रमण बढिरहेको अवस्थामा नेपालीलाई सावधानीका साथै सतर्कता अपनाउन सुझाव दिनुभएको छ ।
नेपाली भाषामै ट्वीट गर्दै उहाँले मास्क लगाएर घरमा बस्न उहाँले सुझाव दिनुभएको हो ।
‘कृपया सबैजना मास्क लगाउनुहोस् र सकेसम्म घरमै बस्नुहोस्,’ राजदूत बेरीले भन्नुभएको छ ।
उहाँले कम्तीमा दुई मिटर सामाजिक दूरी कायम राख्न र राम्रो भेन्टिलेसन नभएका तथा भिडभाड भएका क्षेत्रमा नजान पनि सुझाव दिनुभएको छ ।
‘नेपालमा कोभिड-१९ को संख्या निरन्तर बढ्दै गएको अवस्थामा हामी सबैले जिम्मेवार हुन अति जरुरी छ । आफू र आफन्तहरूको ख्याल राख्नुहोस्,’ राजदूत बेरीले ट्वीटमा उल्लेख गर्नु भएको छ ।
कृपया सवैजना मास्क लगाउनुहोस् र सकेसम्म घरमै बस्नुहोस्। सामाजिक दूरी (कम्तीमा २मि) कायम गर्नुहोस्, राम्रो भेन्टिलेसन नभएका र भीडभाडमा नजानुहोस्। नेपालमा #COVID19 को संख्या निरन्तर बढ्दै गएको अवस्थामा हामी सवैले जिम्मेवार हुन अति जरूरी छ। आफू र आफन्तहरूको ख्याल राख्नुहोस्। #Nepal pic.twitter.com/ypDUu7UIiG
— Ambassador Randy Berry (@USAmbNepal) April 28, 2021
प्रतिक्रिया