काठमाडौं– प्रधानमन्त्री केपी शर्मा ओलीले विश्वासको मत लिने दिन पूर्वमन्त्री एवं राप्रपा अध्यक्ष कमल थापाले प्रधानमन्त्रीले गरेका स्मरणीय कामको सम्झना गर्नुभएको छ ।

सोमबार बिहान ट्विट गर्दै थापाले लेख्नुभएको छ, ‘नाटकीय परिवर्तन भएन भने आज प्रमले संसदमा विश्वासको मत गुमाउनु हुनेछ। आजै राजीनामा आउला। फेरि प्रम बन्न सक्नुहोला । जेहोस् अनेक विवाद/असफलताका वावजुद लिम्पियाधुरासहितको ुचुच्चेु नक्सा प्रकाशन र विखण्डनकारी सिके राउतलाई मुलधारमा ल्याउने कामको निम्ति ओलीको सम्झना भइरहने छ ।’

थापा ओली पहिलोपटक प्रधानमन्त्री हुँदा उपप्रधान तथा परराष्ट्रमन्त्री हुनुहुन्थ्यो । नाकाबन्दी सामना गर्न थापाले अन्तर्राष्ट्रिय मञ्चमा पुगेर नेपालको शीर उचो बनाउनुभएको थियो ।

थापाले ओलीको पहिलो कार्यकालमा मन्त्री हुँदा आफूलाई देशभक्त प्रधानमन्त्रीको क्याबिनेटमा रहनु भाग्यको कुरा भएको टिप्पणी गर्नुभएको थियो ।

नाटकिय परिवर्तन भएन भने आज प्रम @kpsharmaoli ले संसदमा बिश्वासको मत गुमाउनु हुनेछ।आजै राजीनामा आउला।फेरि प्रम बन्न सक्नुहोला।
जेहोस् अनेक विवाद/असफलताका वावजुद लिम्पियाधुरासहितको ‘चुच्चे’ नक्सा प्रकाशन र विखण्डनकारी सिके राउतलाई मुलधारमा ल्याउने कामको निम्ति ओलीको सम्झना भैरहने छ

— Kamal Thapa (@KTnepal) May 10, 2021