पोखरा– गण्डकी प्रदेशको मुख्यमन्त्रीमा दोस्रोपटक नियुक्त पृथ्वीसुब्बा गुरुङले पद तथा गोपनीयताको शपथ लिनुभएको छ ।

मुख्यमन्त्रीमा कांग्रेस नेतृत्वको चारदलीय गठबन्धनले बहुमत पुर्‍याउन नसकेपछि प्रदेश प्रमुख सीताकुमारी पौडेलले प्रदेशसभामा ठूलो दलको हैसियतमा एमालेका संसदीय दलका नेता गुरुङलाई मुख्यमन्त्री नियुक्त गर्नुभएको थियो । पुनः मुख्यमन्त्री हुनुभएका गुरूङले कोभिड कोषमा ४ करोड जम्मा गर्ने पहिलो निर्णय गर्नुभएको छ ।

प्रदेश प्रमुख कार्यालयले ३१ जनाको हस्ताक्षर नपुगेको र चारै दलको आधिकारिक पत्र पनि नआएको भन्दै गुरुङलाई नै मुख्यमन्त्रीमा नियुक्त गर्नुभएको हो ।

चार दलले बहुमत दाबीसहित प्रदेशप्रमुख समक्ष पत्र दर्ता गराएपछि राष्ट्रिय जनमोर्चाका ३ मध्ये २ सांसदले आफुहरु विपक्षी गठबन्धनमा नरहेको पत्र प्रदेश प्रमुखकहाँ लगेका थिए ।