काठमाडौं- जनता समाजवादी पार्टी (जसपा) नेपालका अध्यक्षद्वय महन्थ ठाकुर र उपेन्द्र यादवले संयुक्त विज्ञप्ती जारी गर्दै आफ्नै पार्टीको नेतृत्वमा सरकार बन्ने भए मात्र सरकारमा जाने बताउनुभएको छ ।

लामो समयदेखिको असमझदारी अन्त्यसहित मंगलबार ८ बुँदे विज्ञप्ती जारी गर्दै अध्यक्षद्वय ठाकुर र यादवले तत्काल आफ्नो पार्टी सरकारमा सहभागी नभएर प्रतिपक्षमा बस्ने धारणा राख्नुभएको हो ।

देशको वैकल्पिक पार्टीको रूपमा आफूहरू एकता प्रक्रियामै रहेको र जसपामा कुनै गुटरउपगुटलाई स्थापित हुन नदिने बताउनुभएको छ ।