काठमाडौं आज बसेको मन्त्रिपरिषद बैठकले तीनवटा देशबाट नेपाल आउने उडानलाई सातामा एक दिन खुला गर्ने निर्णय गरेको छ ।
कतारको राजधानी दोहा,चीन र टर्कीको राजधानी इस्तानाबुलबाट सातामा एकदिन उडान नियमित गर्ने निर्णय भएको पर्यटन तथा नागरिक उड्ययन मन्त्री भानुभक्त ढकालले जानकारी दिनुभयो ।
ति देशहरुबाट ठूलो संख्यामा नेपालीहरु जहाजको टिकटको लिएर नेपाल आउने प्रतिक्षामा थिए । त्यहाँका नेपालीहरुको समस्यालाई सम्बोधन गर्दै सरकारले यो निर्णय गरेको हो । स्रोतका अनुसार विभिन्न देशबाट स्वास्थ्य सामग्री आयत गर्दा चार्टड गर्नुपर्दा महंगो भाडा तिर्नुपरेको थियो । अघिल्लै साता यि देशहरुबाट उडान खुलाउने सरकारको तयारी भए पनि केही उड्ययन व्यावशायीले अवरोध गरेका थिए । आजको निर्णयसँग विभिन्न देशहरुबाट स्वास्थ्य सामग्री ल्याउनु पर्दा नियमित उडानबाट ल्याउन सकिने भएको छ । जसबाट सरकारको ठूलो खर्च बचत हुनेछ ।