अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +९७७-९८५११०७८२४
News: [email protected]

सरकार र थरुहट संघर्ष समितिबीच ६ बुँदे सहमति

सरकार र थरुहट संघर्ष समितिबीच ६ बुँदे सहमति


काठमाडौं- सरकार र थरुहट संघर्ष समितिबीच ६ बुँदे सहमति भएको छ । कानून, न्याय तथा संसदीय मामिला मन्त्रालयमा आज सहमतिपत्रमा हस्ताक्षर भएको हो ।

थारु कल्याणकारिणी सभा, थारुहट, थारुवान संयुक्त संघर्ष समितिबीच टिकापुर घटनामा आरोपित ई. धनीराम चौधरी, रेशमलाल चौधरी, लक्ष्मण चौधरीलगायतमाथि लगाइएको सम्पूर्ण मुद्दा फिर्ता र रिहाइका लागि पहल गर्ने सहमति भएको छ ।

यसैगरी, थरुहट आन्दोलनमा सहिद भएका परिवारमध्ये राहत पाउन छुट भएकाहरूलाई राहत उपलब्ध गराउने, घाइतेको उपचार र क्षति भएको धनजनको मूल्यांकनका आधारमा क्षतिपूर्ति उपलब्ध गराउने सहमति भएको छ ।

संविधान र सर्वोच्च अदालतको फैसलाअनुसार थारुहरुको आरक्षणलगायतका विषयमा पनि सहमति भएको छ ।

सहमतिपत्रमा काूनन, न्याय तथा संसदीय मामिला मन्त्री प्रमुख रहेको सरकारी वार्ता टोली र संघर्ष समितिका तर्फबाट पूर्वसांसद रुकमिणी चौधरी नेतृत्वको वार्ता टोलीका सदस्यहरूले हस्ताक्षर गर्नुभएको छ ।