काठमाडौं- उपत्यकामा जेठ ३१ गतेसम्म निषेधाज्ञा लम्बिएको छ ।
काठमाडौं, भक्तपुर र ललितपुरका प्रमुख जिल्ला अधिकारीको आज बसेको बैठकले निषेधाज्ञा जेठ ३१ सम्म लम्ब्याउने निर्णय गरेको हो ।
निषेधाज्ञा थप गरिए पनि केही खुकुलो गरिएको छ ।
जेठ १४ बाट उपत्यकामा बन्द गरिएको किराना पसल तथा खाद्यान्नका डिपार्टमेन्ट स्टोर खोल्न दिने निर्णय गरिएको छ ।
यद्यपि, किराना र डिपार्टमेन्ट स्टोर बिहान ९ बजेसम्म खोल्न दिइने भक्तपुरका प्रमुख जिल्ला अधिकारी प्रेमप्रसाद भट्टराईले जानकारी दिनुभयो ।
फलफूल र पुस्तक पसल पनि बिहान ९ बजेसम्म खुल्नेछन् ।
यस्तै, विकास निर्माणको काम खुला गरिएको छ । तर, निर्माण सामग्री ओसार्न राति मात्र दिइने छ ।
यसअघि जारी गरिएको निषेधाज्ञा बिहीबार राति १२ बजेपछि समाप्त हुनेछ ।
प्रतिक्रिया