काठमाडौं– जनता समाजवादी पार्टी ९जसपा०ले नयाँ मन्त्रीको सूची तयार गरेको छ ।

जसपाका अध्यक्ष महन्थ ठाकुरले ८ मन्त्री र दुई राज्यमन्त्रीको नामसहितको सूची प्रधानमन्त्री केपी शर्मा ओलीलाई बुझाउनुभएको छ ।

जसपा स्रोतका अनुसार वरिष्ठ नेता राजेन्द्र महतो उपप्रधान तथा सहरी विकास मन्त्रीको शपथ लिँदै हुनुहुन्छ ।

शरतसिंह भण्डारीलाई ऊर्जा जलस्रोत तथा सिँचाइ, अनिलकुमार झालाई खानेपानी, लक्ष्मणलाल कर्णलाई भूमिसुधार तथा व्यवस्था, विमल श्रीवास्तवलाई श्रम तथा रोजगार समाजिक सुरक्षा मन्त्रालय र उमाशंकर अरगरियालाई वन तथा वातावरण मन्त्री दिइएको छ ।

एकवाल मियाँलाई युवा तथा खेलकुद, चन्दा चौधरीलाई महिला बालबालिका तथा ज्येष्ठ नागरिक, रेणुका गुरुङलाई महिला बालबालिका राज्य मन्त्री, चन्द्रकान्त चौधरीलाई ऊर्जा राज्य मन्त्री दिइएको छ ।

मन्त्रीहरुको शपथ आज साँझ हुँदैछ ।