काठमाडौं– एमाले सुदूरपश्चिमका सचिव राजेन्द्र रावलमाथि सुदूरपश्चिम प्रदेश सरकारका भौतिक पूर्वाधार विकास मन्त्री दीर्घ सोडारीले आक्रमण गर्नुभएको छ ।

पार्टी निर्देशनको पत्र बुझाउन जानुभएका रावलमाथि सोडारीले आक्रमण गर्दै पत्रसमेत च्यातिदिनुभएको छ । एमाले सचिव राजेन्द्र रावलले पनि सुदूरपश्चिम प्रदेश सरकारका भौतिक पूर्वाधार विकास मन्त्री दीर्घ सोडारीले आनुमाथि हातपात गरेको आरोप लगाउनुभयो ।

पार्टी निर्देशनअनुसार सोमबार नेकपा एमालेका मन्त्रीसहित प्रदेश सभा सदस्यहरुलाई पत्र पुर्‍याउन जाँदा मन्त्री सोडारीले आफूमाथि हातपात गरेको आरोप रावलको छ ।

मंगलबार मुख्यमन्त्री त्रिलोचन भट्टले विश्वासको मत लिनुपर्ने कार्यक्रम तय भएकाले नेकपा एमालेबाट मन्त्री भएका तथा प्रदेश सभा सदस्यहरुलाई पार्टीको निर्णयअनुसार मुख्यमन्त्रीको विपक्षमा मत जाहेर गर्न आशयको पत्र बुझाउन जानुभएको थियो ।