काठमाडौं- नयाँ मन्त्रीहरूको सपथ र पदभार ग्रहणलगत्तै सिंहदरबारमा मन्त्रिपरिषद्को बैठक बसेको छ ।बिहीबार सवा ६ बजेदेखि बसेको बैठक झण्डै सवा ७ मा सकिएको छ ।

बैठकमा प्रधानमन्त्री ओलीले नवनियुक्त मन्त्रीहरूलाई आआफ्नो जिम्मेवारी इमानदारिताका साथ निर्वाह गर्न निर्देशन दिनुभएको थियो । साथै, उहाँले नवनियुक्त मन्त्रीहरूलाई बधाई र शुभकामनासमेत दिनुभयो ।

आज सात मन्त्री र एक राज्यमन्त्री नियुक्त हुनु भएको छ । योसँगै प्रधानमन्त्री केपी शर्मा ओली नेतृत्वको मन्त्रिपरिषद्ले पूर्णता पाएको छ ।

संविधानले बढीमा २५ सदस्यीय संघीय सरकार गठन गर्नसक्ने व्यवस्था गरेको छ ।