अपिल मिडिया प्रा. लि.
सूचना विभागमा दर्ता नं. : २४८२/२०७७–०७८
Office: Kathmandu Metropolitan City- 29
Phone: +९७७-९८५११०७८२४
News: [email protected]

कर्णाली प्रदेशः एमाले संसदीय दलको बैठकमा प्रकाश ज्वाला, तीन मन्त्री अनुपस्थित

कर्णाली प्रदेशः एमाले संसदीय दलको बैठकमा प्रकाश ज्वाला, तीन मन्त्री अनुपस्थित


सुर्खेत– कर्णाली प्रदेशको एमाले संसदीय दलको बैठकमा माधवकुमार नेपाल समूहका नेता प्रकाश ज्वाला उपस्थित हुनुभएको छ । उहाँबाहेक एमालेबाट विद्रोह गरेका तीन मन्त्री भने जानुभएन ।

ज्वालाले आफू प्रतिपक्षीको सिटमा नै बस्ने बताउनुभयो । एक सांसदका अनुसार नेपाल समूहले केन्द्रको निर्देशन पर्खिने भएको छ ।

एमालेको ह्वीप उलंघन गर्दै फ्लोर क्रस गरेका चार मध्ये मन्त्री हुनुभएका भौतिक पूर्वाधार विकासमन्त्री अमरबहादुर थापा, भूमि व्यवस्था, कृषि तथा सहकारीमन्त्री नन्दसिंह बुढा र उद्योग, पर्यटन, वन तथा वातावरण मन्त्री कुर्मराज शाही भने संसदीय दलको बैठकमा जानुभएन ।

विद्रोही सांसदहरु नीति तथा कार्यक्रम भने पारित गर्नुपर्ने पक्षमा हुनुहुन्छ ।

एमालेले ह्वीप तोड्दै माओवादी केन्द्रका मुख्यमन्त्री उम्मेदवार महेन्द्रबहादुर शाहीलाई मत दिएका चार जनालाई कारबाही गरेको थियो । तर, सर्वोच्च अदालतले पुनर्बहाली गरेपछि दलका नेता यामलाल कँडेलले मन्त्रीलाई राजीनामा गर्न र सांसदलाई प्रतिपक्षी सिटमा बस्न चेतावनी दिनुभएको थियो ।

बैठकअघि दलका नेता कँडेल र विद्रोही समूहको नेतृत्व गर्नुभएका प्रकाश ज्वालाबीच छलफल भएको थियो ।

स्रोतका अनुसार ज्वालाले मुख्यमन्त्रीमा दुवै पक्षले शेयर गर्नुपर्ने र अहिलेका तीन मन्त्रीलाई निरन्तरता दिनुपर्ने माग अडान राख्नुभएको छ ।