काठमाडौं- गत २४ घण्टामा देशभर २ हजार ८२८ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कुल १३ हजार २२ जनाको परीक्षण गर्दा सो संख्याका संक्रमित थपिएका हुन् ।

योसँगै नेपालमा संक्रमितको कुल संख्या ६ लाख १४ हजार २१६ पुगेको छ ।

मन्त्रालयका अनुसार पछिल्लो २४ घण्टामा तीन हजार ८२ सङ्क्रमित कोरोनामुक्त भएका छन् । हालसम्म पाँच लाख ४३ हजार ५२१ जना कोरोनामुक्त भएका छन् । कोरोनाबाट निको हुने दर ८८.५ प्रतिशत पुगेको छ । हाल ६२ हजार १३७ जना सक्रिय सङ्क्रमित छन् ।

मन्त्रालयले पछिल्लो २४ घण्टामा ५२ जना सङ्क्रमितको मृत्यु भएको जनाएको छ । हालसम्म कोरोना सङ्क्रमणबाट नेपालमा आठ हजार ५५८ जनाले ज्यान गुमाएका छन् ।