काठमाडौं– वैदेशिक रोजगारमा समस्यामा परेकाहरुलाई सरकारले राहत दिने भएको छ ।

कोभिड १९ व्यवस्थापन निर्देशक समितिको दोस्रो बैठकले वैदेशिक रोजगारीमा गएका तर विभिन्न कारणले होटलमा क्वारेन्टाइनमा बस्न नसक्ने कामदारका लागि सहयोग रकम उपलब्ध गराउने निर्णय समेत गरेको छ ।

१५ दिन बस्नुपर्ने क्वारेन्टाइनका लागि १० दिनसम्मको खर्च सरकारले व्यवस्थापन गर्ने सीसीएमसीले निर्णय गरेको छ ।

यसैबीच सरकारले कोरोना संक्रमण र मृत्यु दर घट्दै गएपछि उपत्यकासहितका जिल्लाहरुमा निषेधाज्ञा हटाउँदै जाने नीति लिएको छ । कोभिड १९ व्यवस्थापन निर्देशक समितिको दोस्रो बैठकले संक्रमणको जोखिम रोक्ने र सँगै अत्यावश्यक वस्तु उत्पादन र आपूर्ति सहित ‘स्मार्ट लक डाउन’ तर्फ जाने निर्णय गरेको हो ।