काठमाडौं- जनता समाजवादी पार्टी नेपाल (जसपा)को उपेन्द्र यादव पक्षको बैठकले पार्टीको निर्णय विपरीत वर्तमान सरकारमा मन्त्री भएका नौ जना नेतालाई पार्टीबाट निष्कासन गर्ने निर्णय गरेको छ ।

आज बसेको कार्यकारिणी समिति बैठकले सो निर्णय गरेको हो ।

साथै, बैठकले पार्टी आधिकारिकताका लागि निर्वाचन आयोगमा पुनः निवेदन दिने, लुम्बिनी प्रदेशका चार सांसदलाई फेरि स्पष्टीकरण सोध्नेसमेत निर्णय गरेको छ ।

बैठकले चुरे दोहन गर्न नहुने निष्कर्षसमेत निकालेको छ ।

त्यस्तै, बैठकले बाढी पहिरोको उद्धारका लागि खट्न नेता कार्यकर्तालाई निर्देशन दिनुका साथै, पीड़ितलाई उद्धार र राहतका लागि सरकारसँग आग्रह गरेको छ ।