काठमाडौं– केपी शर्मा ओली प्रधानमन्त्रीमा नियुक्त भएको तीन वर्ष चार महिना पूरा भएको छ। सरकार पटक पटक पुनर्गठन हुँदा सहरी विकास मन्त्रालयको नेतृत्व भने अस्थिर भएको छ ।

सबैभन्दा बढी मन्त्री फेरिएको मन्त्रालय सहरी विकास हो । २०७४ फागुन ४ देखि २०७५ जेठ १८ सम्म सो मन्त्रालय प्रधानमन्त्रीले नै राख्नुभयो । २०७५ जेठ १८ मा तत्कालीन समाजवादीका नेता इस्तियाक राईलाई सो मन्त्रालयको जिम्मेवार दिइयो। १८ महिनापछि २०७६ पुसमा राईले राजीनामा दिएपछि गोकुल बाँस्कोटा सहरी विकासमन्त्री हुनुभयो ।

बाँस्कोटाले २०७६ फागुन ८ गते राजीनामा दिएपछि वसन्त नेम्वाङ उक्त मन्त्रालयको जिम्मेवारीमा आउनुभयो । नेम्वाङपछि कृष्णगोपाल श्रेष्ठ सहरी विकासमन्त्री हुनुभयो । त्यसपछि २०७७ असोजमा प्रभु साहले उक्त मन्त्रालयको जिम्मा लिनुभयो । हाल राजेन्द्र महतोले उपप्रधानमन्त्रीसहित सहरी विकास मन्त्रालय सम्हालिरहनुभएको छ । प्रधानमन्त्री ओलीलाई समेत जोड्दा तीन वर्ष चार महिनाको अन्तरालमा सहरी विकासमा सातपटक मन्त्री फेरिएका छन् ।