काठमाडौं- सर्वोच्च अदालतले कर्णाली प्रदेशसभाका चार जना सदस्यलाई अदालत बोलाएको छ ।
कर्णाली प्रदेश सभाका चार जना सदस्यको पद थमौती गर्ने सर्वोच्च अदालतको आदेशविरुद्ध प्रधानमन्त्री केपी शर्मा ओलीले दिनुभएको पुनरावलोकन (भ्याकेट) निवेदनमाथि सुनुवाइ गर्दै न्यायाधीशद्वय आनन्दमोहन भट्टराई र हरिप्रसाद फुयाँलको संयुक्त इजलासले प्रदेश सभा सदस्य प्रकाश ज्वाला, नन्दसिंह बुढा, कुर्मराज शाही र अमरबहादुर थापालाई पनि बोलाएको हो ।
आफ्नै पार्टीको सरकारलाई साथ नदिएर फ्लोर क्रस गरेको भन्दै कर्णाली प्रदेश सभा सदस्य प्रकाश ज्वाला, नन्दसिंह बुढा, कुर्मराज शाही र अमरबहादुर थापालाई एमालेले निलम्बन गरेको थियो । तर, जेठ २७ गते सर्वोच्चले दशौँ राष्ट्रिय महाधिवेशन आयोजक कमिटीको कारबाहीले मान्यता नपाउने भन्दै पुनर्बहाली गरिदिएको थियो ।
पुनर्बहालीको निर्णयमा प्रधानमन्त्री ओलीले हिजो पुनरावलोकन निवेदन दिनुभएको छ ।
प्रतिक्रिया