काठमाडौं– नेपालमा गएको २४ घण्टामा थप २ हजार ४ सय ७६ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १४ हजार ३५१ जनाको नमूना परीक्षण हुँदा २ हजार ४ सय ७६ जनामा कोरोना संक्रमण पुष्टि भएको हो ।

पछिल्लो २४ घण्टामा ५४५५ जना निको भएका छन्। नेपालमा निको हुने दर ९१ दशमलव ३ प्रतिशत छ ।

२४ घण्टामा थप २७ जनाको कोरोनाबाट मृत्यु भएको पुष्टि भएको छ। नेपालमा कोरोनाबाट मृत्यु हुनेको संख्या ८ हजार ९ सय ४५ पुगेको छ।