काठमाडौं– आज देशभर २७६० जनामा कोरोना भाइरसको संक्रमण देखिएको छ ।

स्वास्थ्य तथा जनसंख्या मन्त्रालयका अनुसार, १० हजार ९८५ जनाको स्वाब परीक्षण गर्दा २७६० जनामा कोरोना देखिएको हो। यस अनुसार संक्रमणदर १९.१ प्रतिशत रहेको छ।

उनीहरूमध्ये सात हजार १३० जनाको पीसीआर परीक्षण गर्दा एक हजार ८५७ जनामा र तीन हजार ८५५ जनाको एन्टिजेन परीक्षण गर्दा ९०३ जनामा कोरोना पुष्टि भएको हो।

त्यस्तै, आज कोरोनाबाट ३३ जनाको मृत्यु भएको छ। योसँगै कोरोनाबाट मृत्यु हुनेको संख्या नौ हजार १४५ पुगेको छ।

पछिल्लो २४ घण्टामा ४० हजार १७ जना निको भएका छन्। बुधबार तीन हजार ५९५ जना निको भएका थिए।