काठमाडौं– २४ घण्टामा देशभर २२९९ जना कोरोना संक्रमित थपिएका छन् ।

विभिन्न जिल्लामा गरिएको ६५६६ जनाको पीसीआर परीक्षणमा १ हजार ३९१ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । यसैगरी ४०३० जनाको एन्टीजेन परीक्षणमा ९०८ जना गरी कूल २२९९ जना संक्रमित भएका हुन् ।

२४ घण्टामा ३४५१ जना कोरोना संक्रमणमुक्त भएका छन् । यो सँगै हालसम्म निको हुनेको संख्या ६ लाख ३६ हजार पुगेको छ । कुल संक्रमितका आधारमा निको हुनेको दर ९४ प्रतिशत रहेको छ ।

मन्त्रालयले दिएको जानकारी अनुसार देशभर गरी थप ३३ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९ हजार १७९ पुगेको छ ।