काठमाडौं– कारागार व्यवस्थापन विभागका महानिर्देशक फणिन्द्रमणि पोखरेलले हत्या अभियोगमा ललितपुरस्थित नख्खु कारागारमा सजाय काटिरहेका कांग्रेस नेता मोहम्मद अफ्ताब आलमलाई भेट्नुभएको छ ।

महानिर्देशक पोखरेलले एक सहयोगीसँगै कैद जीवन बिताइरहेका आलमलाई बिहीबार विशेष कक्षमा बोलाएर कुराकानी गर्नुभएको थियो । पोखरेल गृहमन्त्री बालकृष्ण खाँणको निर्देशनपछि आलमलाई भेट्न नख्खु पुगेको बताइएको छ ।

नख्खु कारगारका जेलर चिरञ्जीवी गिरीले महानिर्देशक पोखरेल कारगार पुगेको पुष्टि गर्नुभयो ।

उता आलमका समर्थकले रौतहट राजपुरस्थित गाउँमा घटनाका साक्षी धम्काउने र आक्रमण गर्नेसम्म गरेका छन् ।