काठमाडौं– संघीय संसद् सचिवालयका तीन जना कर्मचारीमा कोरोना भाइरस (कोभिड-१९) पुष्टि भएको छ ।

सभामुख अग्निप्रसाद सापकोटाका प्रेस विज्ञ श्रीधर न्यौपानेका अनुसार संघीय संसदको अधिवेशनलाई लक्षित गर्दै संसद सचिवालयले ८ सय १ जनाको एन्टीजेन परीक्षण गराएकोमा तीन कर्मचारीमा कोरोना पुष्टि भएको हो ।

उहाँका अनुसार सभामुखसहित ७ सय ९८ जनाको रिपोर्ट नेगेटिभ आएको छ । कोरोना देखिएका तीन जना कर्मचारीलाई पीसीआर परीक्षणका लागि पठाइएको छ ।