काठमाडौं– कक्षा १२ को परीक्षा साउन ३१ गतेदेखि हुने भएको छ ।

आज बसेको राष्ट्रिय परीक्षा बोर्डले बैठकले विद्यार्थीलाई भौतिक उपस्थिति गराएर परीक्षा लिने निर्णय गरेको हो ।

परीक्षा विद्यार्थी पढेकै विद्यालय (होम सेन्टर) मा हुने बोर्डका अध्यक्ष चन्द्रमणि पौडेलले जानकारी दिनुभयो ।

‘साउन ३१ गतेदेखि परीक्षा लिने बोर्डले निर्णय गरेको छ,’ उहाँले भन्नुभयो, ‘१०० पूर्णांककै लिखित परीक्षा लिन्छौँ ।’ परीक्षा भदौ ९ गतेसम्म चल्नेछ ।

कोरोना महामारीका कारण कक्षा १२ को परीक्षा यसअघि रोकिएको थियो ।