काठमाडौं– पछिल्लो २४ घण्टामा ३ हजार ३६५ जना जनामा कोरोना संक्रमण पुष्टि भएको छ ।

कुल १४ हजार २४२ जनाको नमूना परीक्षण गर्दा सो संख्याका कोरोना पुष्टि भएको हो । त्यस्तै, गत २४ घण्टामा १४ कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ।

पछिल्लो २४ घण्टामा १ हजार ३७३ जना कोरोनाबाट मुक्त भएका छन् ।

उपत्यकामा ८६० जनामा कोरोना

गत २४ घणटमा काठमाडौं उपत्यकामा थप ८ सय ६० जनामा कोरोना पुष्टि भएको छ । स्वास्थ्य मन्त्रालयका अनुसार आज काठमाडौंमा ५९७ जना, ललितपुरमा १५५ जना र भक्तपुरमा १०८ संक्रमित थपिएका छन् ।

काठमाडौं उपत्यकामा अहिले ८ हजार ४४१ जना सक्रिय संक्रमित रहेको मन्त्रालयले जनाएको छ ।