काठमाडौं– नेकपा एमालेको स्थायी कमिटी बैठकले पार्टीलाई एकतावद्ध बनाएर लैजान सबै प्रयास गर्ने निर्णय गरेको छ ।

आज ललितपुरस्थित तुलसीलाल अमात्य प्रतिष्ठानमा बसेको एमाले स्थायी समिति बैठकले सो निर्णय गरेको पार्टी महासचिव ईश्वर पोखरेलले जानकारी दिनुभयो ।

जेठ २ लाई टाइमलाइन अनुसार नै एमालेलाई एकतावद्ध बनाएर लैजान सकिने र त्यसमा असन्तुष्ट पक्षहरू पनि आउने उहाँले विश्वास व्यक्त गर्नुभयो ।

‘हामी एमालेलाई एकतावद्ध बनाउन चाहान्छौँ । उन्नत तहको एकताका लागि जे गर्न सकिन्छ त्यो गर्ने हो’, महासचिव पोखरेलले भन्नुभयो ।

बैठकमा अध्यक्ष केपी शर्मा ओलीले पछिल्लो राजनीतिक अवस्था र पार्टीभित्रको एकता प्रयासबारे जानकारी गराउनुभएको थियो ।