बझाङ–जिल्लाको केदारस्यू गाउँपालिकाकी उपाध्यक्ष निशा धामीले पवित्रा गुर्धामीको परिवारलाई आर्थिक सहयोग हस्तान्तरण गर्नुभएको छ ।

काठमाडौंस्थित हेरिटेट हाई एकेडेमीको होस्टेलमा मृत फेला परेकी पवित्राको मृत्यु कारण पत्ता लगाउन गाउँपालिका उपाध्यक्ष धामीले विभिन्न व्यक्तिहरूबाट संकलन भएको ७१ हजार १ सय २५ सहयोग रकम परिवारलाई हस्तान्तरण गर्नुभएको हो ।

बझाङबाट काठमाडौं जान धेरै खर्च हुने र आर्थिक स्थिति कमजोर भएको भन्दै उहाँले पीडित परिवारलाई आर्थिक सहयोग गर्ने सबैलाई धन्यवादसमेत दिनुभयो ।

आज मृतक परिवारलाई भेटेर उपाध्यक्ष धामीले केदारस्यू गाउँपालिकाका कर्मचारी, जनप्रतिनिधि, समाजसेवी, वुद्धिजीविहरूले गरेको सहयोग रकम हस्तान्तरण गर्नुभएको हो ।

उहाँले मृतकप्रति श्रद्धाञ्जलि र परिवारका गहिरो समवेदनासमेत व्यक्त गर्नुभएको छ ।

पवित्रा असार २८ गते काठमाडौंको भत्केकोपुलस्थित हेरिटेज बोर्डिङको एउटा कोठामा मृत भेटिएकी थिइन् ।