काठमाडौं– नेकपा एमालेका वरिष्ठ नेता माधवकुमार नेपालले आफ्नो समूहको बैठक आह्वान गर्नुभएको छ ।
उहाँले भोलि (बुधबार) बुद्धनगरस्थित क्वालिटी पार्टी प्यालेसमा केन्द्रीय कमिटी बैठक बोलाउनुभएको हो । बैठकमा उपस्थित हुन नेपाल समूहले आफ्नो केन्द्रीय सदस्यहरूलाई सूचनासमेत पठाइसकेको छ ।
स्थायी कमिटीका सदस्यहरूसँग लगातार छलफल गरिरहेका नेपालले केन्द्रीय कमिटीबाट पार्टी एकता वा विभाजनको टुंगो लगाउन खोज्नुभएको हो ।
आज मात्रै उहाँले माओवादी अध्यक्ष प्रचण्डसँग लामो छलफल गर्नुभएको थियो । प्रचण्डसँगको छलफललगत्तै नेपालले केन्द्रीय कमिटी बैठक बोलाउनुलाई अर्थपूर्णरूपमा हेरिएको छ ।
प्रतिक्रिया